ఎవరిది అహింస ?

తలకాయలు దొర్లా

లన్నాడు  బిర్లా

ఔను చెరుకూరి తలకాయ దొర్లింది

 చంద్రుడి తలకాయ దొర్లింది – ఇదే హింస

బోర్లా

పడుకొన్న సంపాదకా విను

నక్సలైట్లు  ఛేదిస్తున్నారు గాంధీ

విగ్రహాల శిరస్సులను  - అదే అహింస

రాజశేఖరునికి  చావులేదు

హేముడు బతికే ఉంటాడు

ఈ లోగా

పురాణాలు పుక్కిలించిన

కిరాణా కవులంతా

నక్సలైట్  నరకాసురుణ్ణెదిరించి

సినిమా తార సత్యభామ

ధనస్వామ్య  దామోదరుణ్ణి  రక్షిస్తుందని

అమాయకంగా నమ్ముతారు  

(రెండు పదాల మార్పులతో) 

మహాకవి శ్రీశ్రీ  - మరోప్రస్థానం