ఏనుగూ , కుక్కా

అడవి  మృగాల ప్రదర్శనంలో పాల్గొనడానికి 

నడిపించుకు వెళ్ళుతున్నా రొక ఏనుగుని

వేడుక చూడడానికి  వీధులనిండా

పోగయినారు  పనీ పాటా లేని సోమరులు !

కాకతాళీయంగా  ఒక కుక్క వాళ్ళని  చూసింది

ఏనుగును చూస్తూ చిందులేసింది

పెద్ద యుద్ధం చేసే మొనగాడిలా

అరుస్తూ హంగామా చేసింది !    

“ఆగరా చాలుచాలు , సిగ్గుచేటు”

అంటూ ఒక జాతి కుక్క అడ్డుపడింది .

“ ఏనుగుతో  సాలగలవురా నువ్వు ? 

 ఎలాగ నీ గొంతుక  బొంగురుపోయిందో చూడు . 

 నీ మొరుగులకి లక్ష్యపెట్టకుండా 

 ఏనుగు ఎంత  హుందాగా పోతుందో  చూడు .”

జాతికుక్కకి ఊరకుక్క ఇలా 

 జవాబిచ్చింది

“ ఆ ! ఆ ! అదీ సంగతి ! 

ఏనుగుకి నా లక్ష్యం లేదు  

అందుకే నా కింత ధైర్యం ! 

నిజంగా పోరాడవలసి వస్తే 

నే నెప్పుడో తోక ముడిచేసి  ఉందును 

ఇప్పుడు ఊళ్లోని ఊరకుక్క లన్నీ  

నన్ను మెచ్చుకొంటాయి . 

 నా ధైర్య సాహసాలని కొనియాడతాయి. 

 ఏనుగు వెనకాతల ఈ కుక్క మొరిగిందని  

 నన్ను అభినందిస్తాయి !”

క్రియోలోవ్  తాతయ్య  కథలు 

మహాకవి శ్రీశ్రీ  - ఖడ్గ సృష్టి