ఫిడేల్ కోసం పాట

పదపోదాం

ప్రభాతనల  ప్రవక్తా

మెలికలు తిరిగే దారులు దిగి

నీ ప్రేమాస్పదమైన ఆకుపచ్చ నేల  విముక్తికి

పద పోదాం

పగ తీర్చుకుందాం ఎన్నో అన్యాయాలమీద

మన ఫాలభాగాల  నిండా తిరుగుబాటు తారలు విజయమో మరణమో  అని ప్రమాణం చేస్తూ

తొలిసారి పేలిన తుపాకి గుండు చప్పుడికి

నిద్రాభంగం చెందిన బాలికలాగ  నేలతల్లి                   మేల్కొన్నప్పుడు

మేము నీ ప్రక్కనే ఉంటాం  ప్రశాంత సైనికులం

మేము నీ పక్కనే

భూసంస్కరణ  న్యాయం  తిండి స్వాతంత్ర్యం

అంటూ నీ గొంతుక నాలుగు గాలులకీ 

ప్రకటించేప్పుడు

మేం అక్కడే ఉంటాం  నీ పలుకుల్ని ప్రతిధ్వనిస్తూ

నీ పక్కనే ఉంటాం

గురి చూసి విమోచన కోసం పేల్చిన

మనగుండు దెబ్బకి

క్రూరమృగం డొక్కలో గాయపడినప్పుడు

మేం నీతోనే ఉంటాం గర్జించే  హృదయాలతో

మేం అక్కడే  ఉంటాం

వాళ్ళు మనల్ని  హడల కొడతారనుకోకు

లంచాలతో బిరుదాలతో

మాకు తుపాకీ  కావాలి

తూటాలు కావాలి   లాఠీ కావాలి                                               అంతే  మరేం  వొద్దు

వాళ్ళ ఆయుధాలు మనల్ని ఊచకోత కొస్తే

క్యూబన్ కన్నీళ్లను మాత్రమే కోరుకుంటాం

చరిత్ర ప్రవాహంలో  కొట్టుకుపోతున్న వీరులకు కాటిగుడ్డల్లా  కప్పడానికి

అంతే  మరేమీ  అడిగేది లేదు .

                                                                                     

( రచన : చేగువేరా )

మహాకవి శ్రీ శ్రీ - మరోప్రస్థానం